Kuqeblutë për tre pikë në Rrogozhinë/Vllaznia e plotë, mungon vetëm Esat Mala

Egnatia-Vllaznia, është sfida e javës së 15-të të Superiores së futbollit shqiptar. Kryesuesja e tabelës së klasifikimit, Egnatia, pret në stadiumin “Demrozi Stadium” të Rrogozhinës, Vllazninë e vendit të pestë. Një çift që në duelet e dy-tre sezoneve të fundit futbollistik ka folur më shumë për Egnatian. Por, fitorja e kuqebluve javën e kaluar me Teutën në transfertë e ka rritur ndjeshëm moralin e Vllaznisë, e cila është e karikuar për të marrë rezultat pozitiv edhe në përballjen e së shtunës me rrogozhinasit.Ndër të tjera, trajneri Osmani komenton edhe infermierinë kuqeblu, e cila falë punës së mirë të stafit mjekësor, gjatë periudhës së fundit po boshatiset. Ndër to, ai ndalet tek Hakaj, një futbollist që me rikthimin e tij e ka rritur shumë forcën e skuadrës.
Ndeshja, Egnatia-Vllaznia, e vlefshme për javën e 15-të të Superiores, luhet të shtunën në “Demrozi Stadium” të Rrogozhinës, duke filluar nga ora 13:30.