Kuqeblutë, triumf i thellë në kryeqytet – Vllaznia e futsallës mundi thellë Partizanin me rezultatin 9 me 2
Kalendari i javës së dytë të Kampionatit të Futsallës e ka vendosur ekipin e Vllaznisë përballë Partizanit.
Sfida në fjalë u zhvillua në pallatin e sportit “Asllan Rusi” të kryeqytetit, aty ku kuqeblutë triumfuan me rezultatin e thellë 9 me 2.
Epërsinë e saj Vllaznia e dëshmoi që në pjesën e parë teksa e mbylli me rezultatin 4 me 1.
Loja e mirë e shkodranëve të futsallës vijoi edhe në të dytën teksa e thelluan edhe më shumë avantazhin e tyre.
Për kapitenin Alsid Tafili, njëkohësisht edhe trajner i ekipit kuqeblu të futsallës, kjo fitore krijoi një ndjesi të veçantë.
Ndeshjen e radhës do ta luajë në pallatin e sportit “Qazim Dervishi” të Shkodrës kundër ekipit të Forcave të Armatosura.
