Categories: LajmeSportFutboll

Kuqezinjtë, gola, asist dhe spektakël në arenën ndërkombëtare

Kombëtarja shqiptare nis nga kjo e hënë grumbullimin dhe përgatitjet zyrtare për dy sfidat e fundit kualifikuese ndaj Moldavisë më 17 nëntor dhe Ishujve Faroe më 20 nëntor. Sakaq, legjionarët shqiptarë që aktivizohen në Europë kanë zhvilluar një fundjavë fantastike.

Një ndeshje fenomenale për Etrit Berishën, i cili ishte lojtari më i mirë në sfidën Napoli – Empoli që përfundoi 0-1 në favor të skuadrës së gardianit shqiptar. Portieri i Kombëtares kuqezi e mbajti portën e paprekur, duke shpëtuar skuadrën e tij në shumë raste dhe në fund u vlerësua me notën 9.1 nga sajti i specializuar për statistika ‘Sofascore’.

Sulmuesi Mirlind Daku u rikthye te goli në Rusi me Rubin Kazan, duke realizuar ndaj Sochi. Djaloshi shqiptar vulosi fitoren 2-0 të skuadrës së tij, falë një goditjeje spektakolare shumë pranë zonës. Sakaq, edhe në Belgjikë, Arbnor Muja gjeti rrugën e rrjetës në fitoren e thellë të Antëerp 6-0 ndaj St. Liege. Sulmuesi kuqezi shënoi golin e katërt të takimit dhe zhvilloi një ndeshje mjaftë të mirë. Në Rumani, Arlind Ajeti shënoi gol në barazimin e Cluj 3-3 ndaj Poli Lasi. Qendërmbrojtësi kuqezi realizoi golin e dytë për skuadrën e tij.

Sinjale pozitive edhe nga Suedia, aty ku Arbnor Muçolli dhuroi asistin e golit të fitores për skuadrën e tij në minutat shtesë (90+5). Pavarësisht se sulmuesi  kuqezi gaboi nga pika e bardhë e penalltisë në të 89-të, vetëm pak minuta më vonë asistoi saktë për shokun e skuadrës duke marrë fitoren e madhe në transfertë.

Në Itali, kapiteni kuqezi Berat Gjimshiti i dhuroi fitoren Atalantës në Europa League ndaj Strum Graz me golin e tij në minutën e 90-të, ndërsa në fundjavë ishte sërish titullar në barazimin 1-1 ndaj Udinezes, duke u vlerësuar si një prej më të mirëve në skuadrën e tij.

Odise Roshi shënoi golin e parë të sezonit me skuadrën e Sakaryaspor që triumfoi në trasfertë ndaj Boluspor me rezultatin 2-3. Mesfushori kuqezi ishte i pandalshëm duke realizuar një gol spektakolar.

U rikthye në fushë pas dëmtimit edhe Armando Broja, i cili u aktivizua në fushën e lojës në minutën e 90-të për Chelsea-n dhe ishte menjëherë protagonist duke fituar penallti. Në fund Chelsea shmangu humbjen dhe sfida ndaj Manchester City përfundoi me rezultatin 4-4.

Titullarë këtë fundjavë me klubet e tyre ishin edhe Elhan Kastrati, Ardian Ismajli, Mario Mitaj, Ylber Ramadani, Qazim Laçi, Ernest Muçi, Myrto Uzuni, Taulant Seferi, Jasir Asani dhe Sokol Cikalleshi.

RTSH Shkodra

Recent Posts

Moti- Dita e sotme me vranësira dhe reshje shiu me intensitet të ulët

Për ditën e sotme vendi ynë do të vijojë të ndikohet nga kushte atmosferike të…

6 minutes ago

PS, PD dhe partitë e tjera, listat zyrtare për 11 majin

Mesnatën e së enjtes skadoi afati i dorëzimit të listave me kandidatët që do garojnë…

41 minutes ago

Parlamentaret 2025, PS publikon 186 emrat e kandidatëve për 12 qarqet

Partia Socialiste ka publikuar e para emrat e kandidatëve për deputetë për zgjedhjet parlamentare të…

43 minutes ago

Ndërron jetë  turisti malazez  në Lëpushë të Malësisë së Madhe  – Nuk ndihej mirë, turistët   kërkuan ndihmë

Burimet zyrtare të policisë bëjnë të ditur se, rreth orës 17:00, në fshatin Lëpushë, një…

12 hours ago

PD miraton sot kandidaturat, Berisha: Procesi më transparent që është zhvilluar në PD

Kreu i Partisë Demokratike, Sali Berisha, mblodhi sot selinë blu për miratimin e kandidaturave që…

13 hours ago

Kane paralajmëron Interin: Jemi gjithmonë favoritë për të fituar

Harry Kane ishte sërish një nga protagonistët e mëdhenj të fitores së Bayern në Champions…

14 hours ago

This website uses cookies.