Presidenti serb Aleksandër Vuçiq (Aleksandar Vucic) dhe Kryeministri i Kosovës Albin Kurti do të takohen sot (26 qershor) në Bruksel në lidhje me raundin e ri të dialogut të nivelit të lartë. Takimi vjen pas 9 muajsh tensione mes liderëve të dy vendeve, dhe do të mbahet nga Përfaqësuesi i Lartë i BE-së për Politikë të Jashtme dhe Siguri, Xhosep Borel (Josep Borrell) dhe i dërguari special i BE-së për dialogun Beograd-Prishtinë, Miroslav Lajçak.
Një ditë më parë, kryeministri Kurti u shpreh se takimi me Vuçiq, do të jetë në funksion të rikapitulimit të procesit të dialogut.
“Besoj që përveç tjerash, takimi i nesërm, edhe bilateral edhe trilateral, do të jetë në funksion të rikapitulimit të këtij procesi trevjeçar. Të shohim se në çfarë gjendje ndodhemi dhe cilat janë idetë se si mund të ecet përpara”, tha Kurti.
Më tej, kryeministri deklaroi se marrëveshja bazike e 27 shkurtit të 2023-shit, dhe Aneksi i Zbatimit “është zgjidhja evropiane e fqinjësisë së mirë, e cila nuk është realizuar”.
Për herë të fundit, Kurti dhe Vuçiq u takuan në Bruksel më 14 shtator të vitit 2023, kur diskutuan për zbatimin e Marrëveshjes në rrugën drejt normalizimit të raporteve, por ky takim rezultoi pa ndonjë përparim, për shkak të qëndrimeve kontradiktore të palëve.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.