Kryeministri i Republikës së Kosovës, Albin Kurti ka bërë të ditur se procesi i liberalizimit ka rregulla të përcaktuara pasi është për vizita afatshkurta e jo për në punë.
Sipas Kurtit, përgjatë tetorit dhe nëntorit kjo fushatë e cila financohet nga zyra e Kryeministrit dhe GIZ-i gjerman do të zhvillohet edhe në shumë komuna anembanë Kosovës.
“Siç e dini të gjithë sepse e kemi përjetuar bashkërisht, ky proces ka qenë i tej zgjatur dhe i tej vonuar për qytetarët e Kosovës. Gjatë vitit që shkoi kur e kishte presidencën e Këshillit Evropian, Republika Çeke ne kemi punuar ngushtë edhe me presidencën çeke edhe me Komisionin Evropian për ta kthyer në agjendë të Këshillit Evropian këtë temë.
Këtë e kemi arritur të gjithë së bashku nëpërmjet progresit demokratik dhe ekonomik të vendit tonë, ku në veçanti do të kisha theksuar arritjet në sundimin e ligjit, në luftimin e krimit të organizuar dhe korrupsionit, në riatdhesimin, menaxhimin e azilit dhe migrimit”, ka thënë Kurti gjatë fjalimit të tij në prezantimit të kësaj fushate.
Kurti shpjegoi se Kosova po i afrohet ditës kur liberalizimi i vizave do të zbatohet dhe kur qytetarët e Republikës do të mund të udhëtojnë lirshëm në zonën Schengen, pasi nga 1 janari 2024 merr fund regjimi i vizave për Kosovën.
Kreu i qeverisë së Kosovës ka sqaruar edhe disa nga rregullat që qytetarët duhet t’i kenë parasysh dhe t’u përmbahen pas fillimit të procesit të liberalizimit.
“Liberalizimi edhe pse do të thotë lëvizje e lirë, megjithatë duhet pasur kujdes sepse përmban rregulla. Duhet të keni pasaportë, mund të udhëtoni vetëm 90 ditë brenda 180 ditëve, dëshmi mbi qëllimin e udhëtimit, ku do të qëndroni, mjete të qëndrueshme financiare dhe biletë kthyese.
Pra, liberalizimi është për vizita afatshkurta e jo për studime apo për punë. Qytetarët, të gjithë ne së bashku, duhet të jemi të kujdesshëm sepse shkeljet e rregullave edhe individualisht kur mblidhen pastaj mund të çojnë në gjoba dhe ndalesë të hyrjes në zonën Schengen”, ka shtuar Kurti.
Shërbimi Meteorologjik Ushtarak bëri të ditur se ditën e premte vendi ynë do të vijojë…
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
This website uses cookies.