Kurti nga Londra: Armatimi i madh i Serbisë tregon se po synon destabilizim në rajon
Kryeministri Albin Kurti ka akuzuar Serbinë se përmes armatimit të saj po synon destabilizimin në rajonin e Ballkanit. Këto deklarata Kurti i ka bërë gjatë Konferencës së Mbrojtjes në Londër, ku shton se “Serbia synon përshkallëzim të rajoni “ duke krijuar aleanca me Rusinë, Kinën dhe Iranin.
Kurti ka theksuar se populli i Kosovës mbështet të ardhmen pro BE-së dhe pro-Perëndimit
“Derisa Republika jonë bashkëpunon në çdo sferë me partnerët e saj, si SHBA, Mbretërinë e Bashkuar dhe BE-në, Serbia intensifikon bashkëpunimin e saj me Rusinë, Kinën dhe Iranin. Demokracia ka nevojë për siguri dhe siguri në mënyrë që të lulëzojë. Sipas një studimi të kryer nga Instituti Ndërkombëtar Republikan, 87% e Kosovës mbështesin politikën pro BE-së dhe Pro-perëndimit. Kjo është përqindja më e lartë e çdo vendi të Ballkanit Perëndimor” tha Kurti.
Kurti foli edhe për rolin kritik të NATO-s si dhe për kërcënimin akut që “autokratët paraqesin për sigurinë e Kosovës, Ballkanit Perëndimor dhe Evropës në tërësi”.
