Kurti takon ndihmëssekretarin O’Brajan: Udhëheqësit e korruptuar, rrezik për sigurinë kombëtare

Kryeministri i vendit, Albin Kurti është takuar me ndihmëssekretarin e shtetit amerikan, Xhejms O’Brajan (o. James O’Brien), duke marrë prej tij mbështetjen e SHBA-së për Kosovën.

“Kënaqësi takimi me Ndihmës Sekretarin e Shtetit të SHBA-së O’Brien, i cili konfirmoi mbështetjen e vazhdueshme të Shteteve të Bashkuara të Amerikës për Kosovën,” ka shkruar Kurti në X.

Z. Kurti ka thënë se gjatë takimit është diskutuar përparimi i shpejtë ekonomik dhe demokratik i Kosovës.

Ai ka theksuar se ka përsëritur përkushtimin e Kosovës për anëtarësimin në BE dhe NATO si objektivat kryesore strategjike.

“Sa herë që ka udhëheqës të korruptuar… ka një vulnerabilitet të caktuar në sigurinë kombëtare. Kështu që ne duhet të shohim rrezikun e korrupsionit edhe në aspektin e sigurisë kombëtare jo vetëm në aspektin e shkeljes ligjore dhe dëmtimit të ekonomisë,” shkroi Kurti një ditë më parë nga Parisi, pasi mori pjesë në Forumin e Paqes që u mbajt në kryeqytetin francez.