Kuvendi i hoqi imunitetin, Berisha: Gjithçka e paligjshme. Opozita do mobilizohet në shkallën më lartë

Të paligjshëm e ka konsideruar ish-kryeministri Sali Berisha vendimin e Kuvendit, që miratoi me 75 vota pro heqjen e imunitetin të tij, duke i hapur rrugë SPAK për arrestimin. Në një deklaratë për mediat pas përfundimit të seancës, Berisha tha se ky vendim i Kuvendit do të mobilizojë opozitën “në shkallën më të lartë”.

“Parlamenti sot vazhdoi veprën që dështoi me datën 9 shtator 2 vite më parë. Por nëse dështoi më 9 shtator, sot do të jetë më i dështuar se kurrë se ky vendim jo që nuk do mund të realizojë qëllimin e shkatërrimit të opozitës, por do mobilizojë opozitën në shkallën më të lartë dhje do t’i japë përgjigjem më të merituar këtij regjimi. Parlamenti ka përfunduar në parlamentin e vrimës së miut. Edi Rama u fut sot në parlament jo nga dyert zyrtare, por nga tunelet që lidhin Parlamentin me zyrën e Skënder Gjinushit. Kjo opozitë do të qëndrojë e pamposhtur në idealet e saj. Gjithçka është e paligjshme gjithçka është antikushtetuese”, u shpreh Berisha.

Ndërkohë, mbështetës të Berishës janë mbledhur në protestë para Parlamentit, për të kundërshtuar vendimin për heqjen e imunitetit.