Hera e parë që një opera lirike vihej në skenë në Shqipëri, ishte 82 vjet më parë dhe bëhet fjalë për operën e Xhuzepe Verdit, “La Traviata”.
Në korrik të vitit 1942, trupa Carro di Tespi Lirico mbërriti në Tiranë dhe dha disa shfaqje, mes tyre operan “La Traviata”, një fotografi të së cilës e sjell Arkivi i Shtetit.
Skena u vendos në krye të Viale del Impero, atje ku sot gjendet Bulevardi “Dëshmorët e Kombit”, në lartësinë e sheshit “Nënë Tereza”.
Duket qartë ndërtesa që sot i përket Rektoratit të Universitetit të Tiranës dhe Akademisë së Studimeve Albanologjike, e cila ende ishte në ndërtim e sipër. Në këtë fotografi bën përshtypje edhe peizazhi i atëhershëm i Tiranës: fotografia mbizotërohet nga mali i Dajtit, kurse djathtas-lart, në thellësi, shquhet mauzoleumi i Nënës Mbretëreshë, ndërtuar nga Mbreti Zog I. Fotografia është pjesë e Fototekës së Arkivit Qendror Shtetëror.
Më 1929 qeveria fashiste e Romës krijoi katër trupa teatrale shëtitëse që morën emërtimin “Carri di Tespi” (“Qerret e Tespit”). Një prej këtyre për operan dhe këngën lirike, e emërtuar “Carro di Tespi Lirico” dhe tre për pjesët teatrale. Synimi i këtyre trupave ishte që të përçonte teatrin dhe operan lirike deri tek fashat më të izoluara të shoqërisë.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.