Laçi- Vllaznia, flasin dy trajnerët – Brdaric nervoz pas ndeshjes, Moreiro i kënaqur me performancën e skuadrës
Laçi ia doli të merrte fitoren e parë pas 9 javësh kampionat. Ekipi kurbinas mposhti në shtëpi Vllazninë me rezultatin 3-1. Një disfatë e hidhur për ekipin shkodran që mendoi se do kishte një përballje të lehtë, por nuk rezultoi kështu. Pas ndeshjes, për emisionin Super Gol në RTSH, trajneri i Vllaznisë, Thomas Brdaric, nuk kërkoi alibi për mungesat e shumta, ndërsa ka pretendime për golin e parë shënuar nga ekipi kurbinas
THOMAS BRDARIC-Trajner i Vllaznisë
Nuk dua të flas për lojtarët të cilët munguan. Shënuam 1-0 dhe kishim raste për të shënuar dhe të dytin. Në fund të pjesës së parë mendoi se goli i Laçit ishte pozicion jashtë loje, nuk e kuptoj si ishte gol i rregullt.Duhet të mësojmë shumë shpejt nga kjo ndeshje.Ajo që ishte deçizive, nuk fituam duelet. Nëse humbet duelet nuk mund të mbijetosh.
Ndërkohë në krahun tjetër, Moreiro u shfaq i kënaqur për këtë sukses, dhe sipas tij, kampionati për të fillon që me këtë fitore ndaj Vllaznisë
FRANCESCO MORIERO- Trajner i Laçit
Kam vetëm pak ditë që kam ardhur. Jam përpjekur që të rrisë psikologjinë e ekipit. Për ne kampionati fillon sot dhe ndaj dua t’u ndryshojë mentalitetin djemve. Jam munduar që t’u them çunave që futbolli është sakrificë dhe se duhet vetbesim i madh. Skuadra kishte shumë dëshirë të fitonte. Ndryshuam modelin e lojës. Fitorja e sotme do të na ndihmojë që të marrim të tjera në vijim.
