Lakra e bardhë e Bushatit, prodhimi i mbarë, nuk mungon kërkesa nga blerësit

Bajram Zela nga fshati Bushat është në kulmin e punës. Është koha që ai të mbledhë lakrën e prodhuar në tokën e tij .

“Kultivojmë lakër, patate dhe qepe te thate”, thotë fermeri Bajram Zela.

Prodhimin e konsideron të mbare, dhe nuk ankohet për tregun e shitjes për shkak të cilësisë dhe kërkesës së vazhdueshme  të blerësve  .Për këtë sezon llogarit të shesë rreth 60 mijë kuintal  lakër.

Për të pasur një  rendimet sa më të mirë me rëndësi tregon fermeri është përzgjedhja e farës. Të gjithë punën  në prodhimin e kësaj kulture bujqësore e ka realizuar vetëm me familjarët e tij. Në  tregun agro-ushqimor të Kukësit gjatë kësaj periudhe po dominojnë prodhimet vendase.