Ngjarja më e madhe e muzikës italiane, Sanremo përmbylli me sukses edicionin e 74-t të këngës.
Për 5-së netë me radhë ky festival mblodhi pranë vetes miliona spektatorë nga e gjithë bota të cilët ndoqën me vëmendje të 5-ta netët duke shijuar jo vetëm muzikën e mirë, por edhe të ftuarit special të cilët dhuruan spektakël dhe magji në skenë.
Dirigjenti dhe Mjeshtri i madh, Zhani Ciko vlerësoi larmishmërinë e këngëve që Festivali i 74-t solli për publikun italian dhe atë ndërkombëtar.
“Një festival me vlera, me vlera në radhë të parë që manifestohej tek këngët e shumta, të bollshme të tipeve të ndryshme që nga ato këngë të voglat fare që mund t’ja këndosh dhe fëmijëve e deri tek këngët monumentale, këngët me grupe. Kishte një energji të jashtëzakonshme të këngëve rinore”, u shpreh Ciko.
Prej dekadash festivali i Sanremos ndiqet edhe nga publiku shqiptar, i cili këtë vit ka mbërritur ndryshe.
Për 5 netë, Radio Televizioni Publik Shqiptar solli nën moderimin e gazetarëve Andri Xhahu dhe Elona Jaçellari spektaklin, intervista ekskluzike dhe mjaft emocione.
“Televizioni shqiptar ndër vite e ka sjellë Sanremon edhe për publikun shqiptar me komente dhe interpretime. Sivjet për herë të parë, isha e nderuar që në krah të kolegut tim Andri Xhahu patëm mundësi të sjellim për publikun shqiptar këtë festival përmes komenteve dhe interpretimeve tona. Risi ishte dhe fakti që moderatorët shqiptarë u shfaqën në ekran, pra u prezantuam edhe vizualisht” u shpreh moderatorja Jaçellari.
Angelina Mango është fituesja e edicionit të 74 të festivalit të Sanremos e cila do të përfaqësojë Italinë në Maj në Eurovizion 2024, në Malmo të Suedi.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.