Lautaro Martinez: Finalja e Champions? Kam luajtur i dëmtuar

Lautaro Martinez, sulmuesi i Interit dhe i kombëtares së Argjentinës ka dhënë një intervistë për Star + duke folur ndër të tjera për vuajtjet që ka përjetuar pas Botërorit të fituar në Katar. “Kam luajtur muajt e parë të kampionatit me probleme në kyçin e këmbës, por nuk mund të ndalesha, madje edhe Lukaku dhe Correa ishin jashtë. Luajta duke marrë pilula, mora ilaçe që të mund të luaja deri në finalen e Champions League”.

Dhe përsëri: “Dhimbja nuk më lejoi të stërvitem dhe të godas me këmbën time”, shpjegoi Lautaro, i cili shtoi se, “kam kaluar një kohë të keqe dhe u mbylla në vetvete, por familja ime vinte shpesh dhe më ndihmonte ajo ishte afër dhe më dha dashuri dhe lumturi. Unë u përpoqa t’i kapërcej ato momente me gruan dhe vajzën time”.

Komenti i Lautaro për penalltitë në finalen e Botërorit në Katar: “Scaloni komunikoi rendin e penalltive dhe unë isha i pesti si me Holandën, por kur Martinez priti një penallti, i kërkova Montielit të më linte penalltinë e katërt, edhe pse ai më tha jo. Unë shpresoja për gabimin e tij, kështu që do të kisha gjuajtur të pestën (qesh), por nëse do të ishte në dorën time, patjetër do të kisha gjuajtur lart pasi Lloris nuk zhytet në atë mënyrë. E kisha vendosur”.