Legjenda Zmijani takon yllin botëror,C. Ronaldo
zmijani cr7
Legjenda e futbollit shkodran dhe ish-mbrojtësi fenomenal i Kombëtares sonë të futbollit, Hysen Zmijani, është takuar në Arabinë Saudite me yllin e futbollit botëror, portugezin Cristiano Ronaldo.
Zmijani ka qenë i ftuar, për të parë një ndeshje të Champions League, nga ish-ekipi i tij i para 30 viteve, Al-Nassr , ku luan aktualisht Cristiano Ronaldo.
Gjatë qëndrimit pranë klubit Al-Nassr , Zmijani është takuar me Ronaldon , me të cilin ka bërë foto.
Ka qenë vetë Zmijani , i cili ka postuar në rrjetet sociale foton me CR7, duke e cilësuar shans të qenurit ish lojtar i Al-Nassr , çka mundësoi takimin me futbollistin më të mirë në botë.
“Sot mund të them që kam pas shanc që kam qenë lojtar i ekipit Al-Nassr.
Më dha një mundësi për të takuar lojtarin më të mirë në botë 
Thjeshtësia e gjentilesa e tij me habiti.”, – shkruan në postimin e tij Hysen Zmijani
