Legjionarët kuqezi vijojnë të paraqiten mirë me klubet e tyre, teksa edhe java që lamë pas ishte shumë pozitive. Shumica e lojtarëve u aktivizuan titullarë, ndërsa disa prej tyre gjetën rrugën e rrjetës dhe asistuan.
Mirlind Daku shënoi golin e radhës në kampionat në sfidën ndaj CSKA Moscow. Sulmuesi kuqezi zhbllokoi takimin në minutën e 43-të për skuadrën e Rubin Kazan, duke shënuar golin e tij të nëntë në kampionat.
Myrto Uzuni ishte sërish protagonist për skuadrën e Granadës. Sulmuesi kuqezi realizoi një tjetër gol të bukur në takimin ndaj Almerias, duke shkuar në kuotën e nëntë golave në La Liga 2.
Jasir Asani gjeti sërish rrugën e rrjetës në Champions-in e Azisë. Sulmuesi kuqezi i aktivizuar në minutën e 57-të, u bë menjëherë protagonist duke shënuar golin që i dha fitoren skuadrës së Gwangju. Asani kryeson renditjen e golashënuesve në Champions-in e Azisë me 7 gola.
Anis Mehmeti po kalon një formë shumë të mirë me skuadrën e Bristol City. Në ndeshjen ndaj Plymouth, sulmuesi kuqezi realizoi dy gola dhe dha një asist në fitoren 4-0. Mehmeti u shpall lojtari i ndeshjes, i vlerësuar me notën 9.8 nga sajti i specializuar për statistika sofascore.
Qazim Laçi dha një asist në barazimin 1-1 të Sparta Pragës ndaj Dukla Pragës. Mesfushori i Kombëtares shërbeu saktë për Olatunji-n në minutën e 12-të.
Cristian Shpendi shënoi golin e radhës në Serinë B italiane me skuadrën e Cesenas. Sulmuesi kuqezi u ndal fillimisht nga goditja e penalltisë nga portieri i Frosinones, megjithatë ai e dërgoi topin në rrjetë pas kthimit të tij. Ky ishte goli i katërt radhazi për Shpendin, i cili kryeson renditjen e golashënuesve me 10 gola.
Titullarë me skuadrat e tyre u aktivizuan Thomas Strakosha, Alen Sherri, Elhan Kastrati, Mario Mitaj, Ardian Ismajli, Arlind Ajeti, Enea Mihaj, Marash Kumbulla, Ylber Ramadani, Amir Abrashi, Taulant Seferi, Nedim Bajrami, Arbër Hoxha, Keidi Bare, Indrit Tuci dhe Rey Manaj ndërkohë dhanë kontributin e tyre si zëvendësues Jon Mersinaj dhe Arbnor Muja.
Në territorin ku është zhvilluar aksioni kanë mbetur inertet nga shembja e objekteve. Ato zënë…
Pas publikimit të listës së Kombëtares, me emrat e grumbulluar për dy sfidat ndaj Anglisë…
Salla e Koncerteve në Shkollën Artistike “Prenkë Jakova” çeli dyert për koncertin e Grand Duo-s…
I ashtuquajturi turizmi i lindjeve nuk po ndodh vetëm brenda Shteteve të Bashkuara. Nënat shtatzëna…
Shkrimtari dhe krijuesi lezhjan Ndue Dragusha është vlerësuar në Itali me çmimin special ndërkombëtar të…
Sot, në Ditën Botërore të Konsumatorit, Ministria e Bujqësisë dhe Zhvillimit Rural riafirmon angazhimin e…
This website uses cookies.