Lezhë-I dogji me benzinë lokalin dhe 2 makinat një 62-vjeçari, në kërkim autori
Një 57-vjeçar është shpallur në kërkim pasi në mesnatë i dogji lokalin dhe 2 makinat një 62-vjeçari.
Ngjarja u shënua gjatë mesnatës në fshatin Kalivaç të Lezhës, ku Ernest Cuni, 57-vjeç dogji me benzinë lokalin dhe 2 mjetet e parkuara në afërsi të lokalit, në pronësi të 62-vjeçarit P. Gj.
Policia bëri të mundur identifikimin e autorit brenda pak orësh dhe shpalli në kërkim 57-vjeçarin, banues në Lezhë.
Nuk dihen ende shkaqet e kësaj ngjarje, ndërsa vijojnë kërkimet për kapjen e 57-vjeçarit dhe shtetasve të tjerë që mund të jenë përfshirë në këtë rast.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
