Grima fton 20
Kombëtarja shqiptare e vajzave do të nisë këtë të hënë përgatitjet për dy ndeshjet e fundit të grupit në Ligën e Kombeve ndaj Irlandës së Veriut dhe Hungarisë. Trajneri i vajzave kuqezi, Armir Grima ka shpallur edhe listën me emrat e 20 lojtarëve që do të grumbullohen për këto dy sfida vendimtare për renditjen e Shqipërisë në grupin B1 të Ligës B.
Grupi ka risi në këtë grumbullim, me Vesa Paqarizin e Fortesa Berishën që i bashkohen skuadrës pas pajisjes me pasaporta shqiptare. Sakaq, rikthehet me ekipin edhe Esi Lufo, e cila është transferuar në ekipin e Rivers FC në Kanada. Ndërkaq, pjesa tjetër e lojtareve të grumbulluara nuk ndryshon.
Përfaqësuesja kuqezi do të grumbullohet të hënën e 27 nëntorit në Tiranë dhe do të zhvillojë seancat stërvitore në “Shtëpinë e Futbollit”. Më 1 dhjetor, vajzat kuqezi do të përballen me Irlandën e Veriut në stadiumin “Air Albania” në ora 17:00. Sakaq, me 5 dhjetor do të luajë ndeshjen e fundit në grup, ndaj Hungarisë në transfertë. Ndeshja do të luhet në stadiumin “Hidegkuti Nándor” në ora 17:00.
Më poshtë, edhe lista e plotë me emrat e 20 lojtareve të grumbulluara për ndeshjen me Irlandën e Veriut dhe Hungarinë:
Në territorin ku është zhvilluar aksioni kanë mbetur inertet nga shembja e objekteve. Ato zënë…
Pas publikimit të listës së Kombëtares, me emrat e grumbulluar për dy sfidat ndaj Anglisë…
Salla e Koncerteve në Shkollën Artistike “Prenkë Jakova” çeli dyert për koncertin e Grand Duo-s…
I ashtuquajturi turizmi i lindjeve nuk po ndodh vetëm brenda Shteteve të Bashkuara. Nënat shtatzëna…
Shkrimtari dhe krijuesi lezhjan Ndue Dragusha është vlerësuar në Itali me çmimin special ndërkombëtar të…
Sot, në Ditën Botërore të Konsumatorit, Ministria e Bujqësisë dhe Zhvillimit Rural riafirmon angazhimin e…
This website uses cookies.