Kombëtarja shqiptare ka nisur përgatitjet për dy ndeshjet e radhës në Ligën ne Kombeve që do t’i luajë që të dyja në transfertë, ndaj Çekisë fillimisht në stadiumin Epet Arena, me 11 tetor, ora 20:45 dhe më pas ndaj Gjeorgjisë në stadiumin “Mikheil Meskhi” më 14 tetor, ora 18:00. Në seancën e së hënës e cila zgjati rreth 1 orë e 30 minuta, prezent ishin Strakosha, Kastrati, Sherri, Mihaj, Mitaj Ajeti, Hadroj Pajaziti, Ramadani, Hysaj, Balliu, Seferi, Kumbulla Uzuni, Ismajli Daku, Asllani, Abrashi, Asani dhe Muçi, ndërkohë që në mbrëmje me grupin janë bashkuar edhe Arbër Hoxha, Qazim Laçi dhe Nedim Bajrami. Trajneri Silvinjo dhe stafi i tij teknik kanë punuar më shumë në “Shtëpinë së Futbollit” me një pjesë të lojtarëve, të cilët kanë mbërritur në grumbullim më herët pasi kanë përfunduar impenjimet me klubet e tyre, ndërsa lojtarët që kanë mbërritur ditën e sotme kanë marrë ngarkesë të lehtë stërvitore. Grupi ka punuar fillimisht në palestër për të kaluar më pas në fushë, ku është punuar më shumë me topin, teksa skuadra zhvilloi edhe një test miqësor, ku të përfshirë ishin edhe disa lojtarë nga ekipi U-21 dhe U-19. Ndërkohë, kuqezinjtë kanë mësuar emrat e arbitrave që do të vendosin drejtësi në sfidën e Nations League midis Çekisë dhe Shqipërisë, që do të luhet në “Epet Arena” të Pragës në 11 tetor. Një skuadër gjyqtarësh francez do të arbitrojë këtë takim të kuqezinjve. Benoit Bastien do të jetë abitri kryesor i ndeshjes, ndërsa Hicham Zakrani dhe Aurélien Berthomieu do të jenë asistentët e tij. Gjyqtar i katërt do të jetë Thomas Leonard.
Presidenti i Republikës Bajram Begaj mori pjesë në Samitin e Procesit të Brdo-Brijunit, që këtë…
Shteti amerikan i Floridës po përgatitet për një stuhi të ashpër, e dyta brenda dy…
Analisti Ben Andoni ka folur në studion e RTSH 24 për “mosbindjen civile” të opozitës,…
I ndarë nga jeta mbrëmjen e djeshme në moshën 91- vjeçare, Vehbi Sulejmani, një nga…
Puka është një ndër zonat turistike të pashfrytëzuara në Shqipëri. Për këtë arsye, fokusi i…
Kryetari i Bashkisë Shkodër, Benet Beci, ka inspektuar punimet që po bëhen në tregun e…
This website uses cookies.