Liga e Konferencës, Muçi vazhdon marshimin

Edhe veprimtaria e 3-të e klubeve të kontinentit, Liga e Konferencës, ka mbyllur të enjten fazën e ndeshjeve në grupe, teksa janë luajtur të mërkurën takimet e fundit të të 8 grupeve të saj, të cilat kanë përcaktuar edhe skuadrat që marrin vendin e parë dhe shmangin një tur, por edhe ato të vendit të dytë, që shkojnë në “play-off” me 8 të eliminuarat nga Liga e Evropës, por edhe dy skuadrat që eliminohet nga Evropa.

Dhe skuadra e futbollistit shqiptar, Legia e Varshavës, është kualifikuar si e dyta në grupin E, pasi ka fituar me rezultatin 2-0 në shtëpi ndaj AZ Alkmarit. Futbollisti kuqezi e ka nisur si titullar këtë takim, duke u zëvendësuar vetëm në minutën e 37-të, teksa skuadra e tij e mbylli në epërsi minimale pjesën e parë, falë golit të shënuar nga Ribeiro në të 34-tën minutë. 9 minuta para fundit, skuadra polake gjen edhe golin e dytë, me anë të Kramerit, duke vulosur fitoren 2-0 dhe bashkë me të edhe vendin në turin tjetër të Ligës së Konferencës.