Pas votimit të ligjit për Zonat e Mbrojtura, ka reaguar edhe kryedemokrati Lulzim Basha.
Në një konferencë për mediat, Basha theksoi se miratimi i këtij ligji është një akt i rëndë që cenon trashëgiminë kulturore dhe pasurinë natyrore.
Ai vuri në dukje se kur Partia Demokratike të vijë në pushtet do ta shfuqizojë ligjin për Zonat e Mbrojtura.
“Akti për zonat e mbrojtura është një akt i rëndë, cënon qëndrueshmërinë afatgjatë të ambientit, trashëgimisë kulturore. Akt i bërë tinzarisht për t’i shërbyer interesave të caktuara.
Ka nga ata që mendojnë që kjo do të shkojë në Kushtetuese, mund të shkojë. Unë sot kam një zotim publik, që në momentin e parë të mundshëm PD në pushtet do ta shfuqizojë këtë ligj”, u shpreh Basha.
Sipas tij, me këtë ligj qeveria po kërkon të zaptojë zonat e mbrojtura dhe se ky ligj do t’i nënshtrohet paketës antimafia.
“Do t’i nënshtrojë subjektet që përfitojnë nga ky ligj praktikat më të avancuara të ligjit antimafia.
Të gjithë investitorët potencial që kanë fërkuar duart sot me kalimin e këtij ligji, PD nesër në pushtet do shfuqizojë ligjin dhe do të nënshtrojë çdo investitor që përfiton ky ligj, në një hetim me metodat e avancuara anti-mafia.
Ky është një kërcënim i hapur për këdo që mendon që duke përfituar nga papërgjegjshmëria e kësaj qeveria do të përfitojë duke zaptuar dhe shkatërruar zonat e mbrojtura”, tha Basha.
Trajneri i Laçit Armando Cungu në emisionin “Supergol” në RTSH pas ndeshjes së humbur 2-1…
Gjatë sezonit veror edhe territori i Bashkisë së Shkodrës, sikurse në në gjithë vendin, u…
Zhytësit specialistë që vëzhgojnë rrënojat e superjahtit 40 milionë dollarësh që u mbyt në Sicili…
Të paktën 51 persona kanë mbetur të vrarë dhe më shumë se 20 janë plagosur…
Të paktën katër persona u vranë dhe dhjetëra të tjerë kanë mbetur të plagosur në…
Presidenti francez, Emmanuel Macron, ka zbuluar qeverinë e tij të re, pothuajse tre muaj pasi…
This website uses cookies.