Lirimi i kolektorëve të bllokuar – Krijohet linjë e re e shkarkimit pranë “Dugajve të Reja”
Pas evidentimit në terren të pikave problematike të bllokimit të kolektorëve në vite në qytetin e Shkodrës, Bashkia Shkodër dhe Ndërmarrja e Ujësjellës Kanalizimeve kanë ndërhyrë sot pranë sheshit të “Dugajve të reja”.
Specialistët dhe punonjësit kanë ndërhyrë për krijimin e një linje të re, që përmirëson lidhjen me kolektorin për kalimin e ujërave të shiut.
Ndërkohë, Pema apelon edhe për bashkëpunim nga vetë banorët.
Prej disa ditësh, me urdhër të Kryetarit të Bashkisë Shkodër, Benet Beci, është ngritur një grup pune mes Ndërmarrjes së Ujësjellës Kanalizimeve, Ndërmarrjes së Shërbimeve Publike dhe IMT, për lirimin dhe sistemimin e të gjithë linjave të kolektorëve, të cilat janë bllokuar në vite dhe kanë krijuar përmbytje në disa prej zonave të qytetit.
