Liverpuli nuk ndalet më, mposht Çelsin dhe rimerr kreun
Liverpuli ka fituar supersfidën përballë Çelsit dhe ka rimarrë vendin e parë në renditjen e Premier Ligës. “Të kuqtë” kanë mposhtur 2-1 “blutë” e Londrës në “Anfield”, në një sfidë që ka pasur si protagonist Mohamed Salah.
Egjiptiani shënoi golin që zhbllokoi sfidën nga pika e bardhë e penalltisë në pjesën e parë, por miqtë nga Londra barazuan me Xhekson sapo filloi pjesa e dytë. Nuk zgjat shumë festa e Çelsit, pasi është Xhons, që shënon për vendasit dhe Liverpuli kalon sërish në avantazh.
Pavarësisht përpjekjeve nga të dy kampet, rezultati i ndeshjes nuk ndryshon. Liverpuli merr fitoren e katërt radhazi në kampionat, ngjitet në kuotën e 21 pikëve dhe rimerr kreun e renditjes, ndërsa Çelsi mbetet në vendin e 6-të.
