Lobimi rus, Alibali: Nuk ndryshon gjë. Basha do të vazhdojë të hajë byrek

Analisti Neritan Alibali, në emisionin ‘3D’ në RTSH, u shpreh se Rama është investuar nëpërmjet McGonigal që të bëjë pis shefin e opozitës.

Por, Alibali thekson se pavarësisht çështjes që edhe BBC ka risjell sërish në vëmendje në lobimit rus, kjo nuk do të ndikojë tek Basha, i cili, sipas tij, “do të vijojë të hajë byrek”.

“Mund ta konceptojmë dhe logjikën e Berishës, që Rama e ka favorizuar Bashën, megjithëse, në bazë të çështjes McGonigal , duket që Rama është vërtetuar se ka investuar tek McGonigal që ta bëj pisë shefin e opozitës.  Unë mendoj që statura politike  e z. Basha do të mbetet po ajo. Do të hajë byrek, do ta ndajë byrekun me bashkëpunëtorët. Basha do bëjë aktivitetin e tij politik dhe do ta shohim deri në 2025 se cila do të jetë pesha e tij në elektorat.”, tha Alibali.