Lufta Izrael-Hamas, Këshilli i Sigurimit i OKB-së voton sot thirrjen për armëpushim

Këshilli i Sigurimit i Kombeve të Bashkuara do të votojë këtë të hënë  mbi një rezolutë të re që bën thirrje për një ndërprerje të luftimeve në Gaza, më qëllim lejimin e aksesit humanitar.

Drafti i ri, i hartuar nga Emiratet e Bashkuara Arabe, bën thirrje për një “ndërprerje urgjente dhe të qëndrueshme të armiqësive”.

Po ashtu, rezoluta vë theksin te rëndësia e bashkimit të Rripit të Gazës me Bregun Perëndimor nën Autoritetin Palestinez.

Në një lëvizje të kritikuar nga Izraeli dhe SHBA, drafti nuk e emërton në mënyrë eksplicite Hamasin, megjithëse ai bën thirrje “të menjëhershëm dhe lirimin e pakushtëzuar të të gjithë pengjeve” dhe dënon “të gjitha sulmet pa dallim kundër civilëve”.

Këshilli i Sigurimit është përballur me kritika të ashpra ndërkombëtare pasi ka miratuar vetëm një rezolutë për Gazën që nga fillimi i luftës, në të cilën organi 15 anëtarësh bëri thirrje për “pauza humanitare”, pasi pesë rezoluta të tjera u refuzuan.

Votimi vjen disa ditë pasi SHBA bllokoi një rezolutë të mëparshme të Këshillit të Sigurimit që do të kërkonte një “armëpushim humanitar” në territorin e goditur palestinez. Por në asamblenë e përgjithshme, 193 anëtarët e OKB-së votuan me shumicë dërrmuese për një armëpushim, me 153 pro.