Kryeministri Benjamin Netanjah (Netanyahu) ka thënë se Izraeli nuk kërkon të pushtojë apo të qeverisë Gazën por sipas tij “do të nevojitej një forcë e besueshme për të hyrë në territorin palestinez nëse është e nevojshme për të parandaluar shfaqjen e kërcënimeve militante”.
Netanjahu tha se një qeveri civile do të duhej të formohej në territor, por se Izraeli do të sigurohej që sulmet e Hamasit të 7 tetorit të mos ndodhin më.
“Pra, ne duhet të kemi forcë të besueshme që, nëse është e nevojshme, do të hyjë në Gaza dhe do të vrasë vrasësit. Sepse kjo është ajo që do të parandalojë rishfaqjen e një entiteti të ngjashëm me Hamasin”, tha Netanjahu.
Deklarata e tij, erdhi pasi zyrtarët palestinezë thanë se Izraeli nisi sulme ajrore mbi ose afër të paktën tre spitaleve, duke theksuar më tej sistemin e pasigurt shëndetësor të territorit palestinez. Izraeli nuk i është përgjigjur pretendimeve.
Zyrtarët palestinezë thanë se vendet përfshinin terrenet e spitalit më të madh të Gazës, Al Shifa, për të cilin IDF tha se ishte vendosur në një zonë që e quajti “zemra e inteligjencës dhe aktiviteteve operacionale” të Hamasit kur planifikoi sulmet e 7 tetorit. Hamasi dhe stafi i spitalit e kanë mohuar këtë, duke thënë se IDF po e përdor këtë akuzë si pretekst për të goditur spitalin.
Në prag të sfidës së nesërme ku Vllaznia do të pres në “Loro Borici” ekipin…
Teksa ka përfunduar shqyrtimi i dokumentacionit dhe kontrollet në terren, në qarkun Shkodër po vijon…
Figura e Artistit të Merituar Sali Mani, rapsodit të lahutës e çiftelisë, u përkujtua “in…
5 Pedagogë të Universitetit “Luigj Gurakuqi” kanë dalë në pension duke shpëputur marrëdhëniet me këtë…
Ka nisur mbrëmjen e së premtes Kampionati Kombëtar i boksit për vititn 2024, aktivitet që…
Pas restaurimit të fasadave të pallateve në lagjen “Partizani” në Shkodër, pak ditë më parë…
This website uses cookies.