Udhëheqësi politik i Hamasit ka konfirmuar se po studion një propozim të ri për të ndalur luftimet në Rripin e Gazës.
Ismail Haniyeh tha se grupi ishte ftuar për të diskutuar një kornizë negocimi të vendosur nga Izraeli, SHBA, Katari dhe Egjipti.
Raportohet se propozimi bën fjalë për një armëpushim gjashtëjavor, ku më shumë pengje izraelite do të shkëmbeheshin me të burgosur palestinezë.
Haniyeh theksoi se prioritetet e Hamasit ishin një armëpushim i përhershëm dhe një tërheqje e plotë izraelite, por kryeministri i Izraelit i përjashtoi ato.
Benjamin Netanyahu këmbënguli se lufta nuk do të përfundojë derisa të arrijnë “fitoren totale”, që ai tha se nënkupton eliminimin e Hamasit dhe lirimin e të gjithë pengjeve.
Konflikti u shkaktua nga një sulm i paprecedentë ndërkufitar nga persona të armatosur të Hamasit në jug të Izraelit më 7 tetor, në të cilin rreth 1.300 njerëz u vranë dhe rreth 250 të tjerë u morën peng.
Më shumë se 26.700 njerëz janë vrarë në Gaza që atëherë, sipas ministrisë së shëndetësisë të territorit të Hamasit.
Gjatë një armëpushimi njëjavor në fund të nëntorit, 105 pengje izraelitë dhe të huaj u liruan në këmbim të 240 palestinezëve të mbajtur në burgjet izraelite.
Izraeli thotë se 136 pengje janë ende duke u mbajtur, megjithëse rreth dy duzina prej tyre supozohet të jenë të vdekur./ BBC
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.