794e5895aaa447f6bf048496b22a7780
Ndihma humanitare e Indisë për Gazën ka mbërritur në Egjipt. Lajmin e njofton zëdhënësi i Ministrisë së Punëve të Jashtme të vendit, Adrian Bagi (Adrindam Bagchi) në një postim në X, i njohur më parë si Twitter.
Avioni mbërriti në el-Arish në Sinai të Egjiptit dhe materiali i ndihmës iu dorëzua Gjysmëhënës së Kuqe Egjiptiane për tu dërguar në Palestinë, tha Bagchi.
Një fluturim i Forcave Ajrore Indiane mbante gati 6.5 ton ndihma mjekësore dhe 32 ton material ndihme në fatkeqësi, duke përfshirë ilaçe për shpëtimin e jetës, sende kirurgjikale, tenda, çanta gjumi, pëlhura gome, pajisje sanitare dhe tableta për pastrimin e ujit.
Ndihmat janë grumbulluar në anën egjiptiane të vendkalimit Rafah që lidhet me Gazën. Kalimi jetik u hap shkurtimisht gjatë fundjavës, duke dërguar kolonën e parë me 20 kamionë ndihma në Gazën e rrethuar të shtunën dhe 14 kamionë të tjerë kaluan të dielën.
Kriza humanitare po përkeqësohet me shpejtësi në Gaza pasi Izraeli bombardon territorin, ndërsa vëllimi i ndihmave që ka kaluar është vetëm një pikë në oqean për mbi 2.2 milionë njerëz brenda territorit.
Ndërkohë edhe Agjencia e Kombeve të Bashkuara për Ndihmën dhe Punët (UNRWA) Gaza ka ngritur shqetësimin se Gaza ka nevojë për karburant, po edhe për ushqim, pasi dy autokolonat e ndihmave që hynë në Gaza këtë fundjavë mezi lehtësojnë kushtet e rënda brenda territorit./CNN
Politikanë dhe ekonomistë janë përpjekur që gjatë fushatës presidenciale amerikane të parashikojnë ndikimet e ardhjes…
Gjatë një ceremonie të veçantë të organizuar përpara inaugurimit të Presidentit Donald Trump, një takim…
Teksa vendi është më pak se katër muaj para zgjedhjeve parlamentare të 11 majit, krimet zgjedhore…
Drishti në Bashkinë e Shkodrës njihet për lakrën dhe qepën atutoktone që kultivohen për më…
Qendra Komunitare Shendetit Mendor nuk ka pranuar të zhvendoset pranë poliklinikës së qytetit. Pas rikontruksionit…
Nuk ka të ndalur depozitimi i mbetjeve të ndryshme në brigjet e përroi të Vrakës.…
This website uses cookies.