Një sulm i ri rus me dron ka goditur objektet e portit ukrainas në zonën e Izmail në lumin Danub, duke vrarë një person, thotë guvernatori lokal.
Infrastruktura portuale dhe bujqësore u dëmtua në sulmin gjatë natës, sipas Oleh Kiper.
Izmail, përtej lumit nga shteti anëtar i NATO-s, Rumania, u vu nën sulmin me dron rus në fillim të kësaj jave ndërsa Ukraina pretendoi se dronët rusë kishin zbritur në territorin rumun gjatë atij sulmi, Rumania e mohoi atë.
Mosmarrëveshja midis Rumanisë dhe Ukrainës erdhi pasi liderët rusë dhe turq zhvilluan bisedime mbi një marrëveshjeje që lejonte Ukrainën të eksportonte grurë të sigurt përmes Detit të Zi.
Presidenti turk Rexhep Tajip Erdogan kishte udhëtuar në qytetin rus të Soçit në një përpjekje për të bindur presidentin Vladimir Putin që ta rifillonte atë ndërsa Putin tha se marrëveshja, të cilën Moska e braktisi në korrik, nuk do të rivendoset derisa Perëndimi të përmbushë kërkesat e tij për heqjen e sanksioneve ndaj prodhimeve bujqësore ruse.
Rusia ka goditur objektet portuale të Ukrainës përgjatë lumit Danub për më shumë se një muaj, duke u përpjekur të pengojë Ukrainën të përdorë lumin për të eksportuar drithërat e saj. Ukraina është një nga eksportuesit kryesorë në botë të grurit dhe misrit.
Gjithashtu të martën mbrëma, kryeqyteti ukrainas Kiev u vu nën sulm me raketa, thanë autoritetet, por nuk pati viktima apo dëme. Të gjitha raketat ruse u shkatërruan nga mbrojtja ajrore, tha një zyrtar ukrainas i mbrojtjes./BBC/
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.