Lufta/ Sulmet ajrore izraelite godasin Gazën ndërsa palestinezët kërkojnë siguri

Sulmet ajrore izraelite kanë vrarë të paktën 256 njerëz, duke përfshirë 20 fëmijë, dhe kanë plagosur 1,788 të tjerë në më pak se 24 orë

Një korrespondent i agjencisë palestineze të lajmeve WAFA raportoi se forcat izraelite shënjestruan lagjen Tal al-Hawa të qytetit të Gazës dhe Spitalin al-Quds të Gjysmëhënës së Kuqe, ku qindra familje u strehuan duke kërkuar mbrojtje nga bombardimet izraelite.

Bombardimi gjithashtu shkatërroi dhjetëra shtëpi dhe ndërtesa banimi në të gjithë Rripin, raportoi WAFA.

Ai tha se spitalet Nasser dhe Abu Yousef al-Najjar në jug nuk janë më në gjendje të ndihmojnë të plagosurit pasi ata u dëmtuan nga sulmet.

Po Ushtria izraelite pretendon se një komandant i lartë ushtarak i Hamasit, i cili drejtoi operacionet ajrore të grupit në qytetin e Gazës, është vrarë në sulmet ajrore izraelite.

“Murad Abu Murad u vra gjatë ditës së kaluar kur avionët luftarakë goditën një qendër operacionale të Hamasit nga ku grupi kreu “aktivitetin e tij ajror”, tha ushtria.

Po ashtu mediat izraelite thonë se janë arrestuar mbi 230 anëtarë të Hamasit në disa lokacione në Bregun Perëndimor që nga fillimi i operacionit.

Në mesin e të arrestuarve, shton Jerusalem Post, ka edhe dy eksponentë kryesorë të organizatës terroriste, Sheikh Adnan Asfour dhe Ahmed Awad, të kapur në Nablus.

Palestinezët kërkojnë luftojnë për të mbijetuar nën rrënojat e një ndërtese të shkatërruar nga sulmi ajror izraelit.