Luftime të ashpra në Ukrainën Lindore/ Forcat e Kievit sulmojnë luftanijen ruse duke e nxjerrë jashtë funksioni
Presidenti ukrainas Volodymyr Zelensky tha se Rusia kreu aksione të fuqishme sulmi përgjatë gjithë vijës së frontit lindor në 24 orët e fundit.
“Pushtuesit po përpiqen me të gjitha forcat të ndalojnë djemtë tanë. Sulmet janë shumë të ashpra”, tha ai në një video-fjalim.
Zelensky renditi qytetet e Kupyanskit, Lymanit, Bakhmutit, Marinkas dhe Avdiivkas të cilat janë të vendosura në frontin lindor nga veriu në jug si zonat më të rrezikshmet të vijës së luftës. “Por, pavarësisht se çfarë bën armiku, janë forcat ukrainase ato që dominojnë”, deklaroi lideri ukrainas.
Ushtria ukrainase tha se kishte goditur me dronë detarë një anije luftarake ruse duke e nxjerrë atë jashtë funksioni.
Dronët britanikë të detit, të quajtur USV, të cilët ukraina i zotëron, janë anije të vogla pa pilot që mund të lëvizin edhe nën sipërfaqen e ujit ndërsa godasin objektivat.
Ministria ruse e Mbrojtjes tha këtë të premte se kishte zmbrapsur sulmet e dy dronëve ukrainas, të cilët kishin sulmuar gjatë natës bazën Novorosisk në Detin e Zi.
Megjithatë në një video të shpërndarë në rrjete sociale shihet një anije e marinës ruse e dëmtuar rëndë teksa tërhiqet për në port.
Sulmet në Detit të Zi janë rritur qëkur Rusia refuzoi të vazhdojë marrëveshjen e ndërmjetësuar nga Turqia dhe Kombet e Bashkuara, që i mundësonte Ukrainës të transportojë grurin përmes këtij deti drejt tregjeve botërore.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.