Macet kanë afro 300 shprehje të ndryshme të fytyrës
131578060 catsmontage
Një studim i ri ka treguar se macet kanë deri në 276 shprehje të ndryshme të fytyrës, disa prej të cilave i përdorin me njerëzit, sipas BBC.
Studiuesit në Universitetin e Kalifornisë në Los Anxhelos kanë hetuar llojet e ndryshme të shprehjeve të fytyrës që macet përdorin për të komunikuar me njëra-tjetrën.
Njerëzit kanë rreth 44 lëvizje unike të fytyrës, por numri i përgjithshëm i shprehjeve të tyre nuk dihet, kështu që është e vështirë të krahasohen macet me ne, por sipas shkencës shimpanzetë kanë rreth 357 shprehje unike.
Ekipi i studimit zbuloi gjithashtu se macet kanë disa shprehje të përbashkëta me njerëzit, dhe mendohet se mund t’i kenë fituar ato nga historia e tyre 10 000 vjeçare e të jetuarit me ne.
