Makina përplas 56- vjeçaren / Aksidenti i dytë brenda pak ditëve në Shkodër

Një aksident  është regjistruar mëngjesin e sotëm në qytetin e Shkodrës .

Një automjet me drejtuese një 34 vjeçare ka goditur një grua 56 vjeçare e cila po lëviste me biçikletë

Gruaja u dërgua në spital  dhe është jashtë rrezikut për jetën.

Aksidenti ndodhi  rreth orës 07:45, në lagjen “Tre Heronjtë”.

Policia e Shkodrës,  e cila mbërriti menjëherë në vendin e ngjarjes,  njoftoi se me drejtuesen e automjetit po kryhen veprimet procedurale.

Grupi hetimor vijon punën për sqarimin e rrethanave të aksidentit.

Ndërkohë ky është aksidenti i dytë që ndodh brenda pak ditëvë në qytetin e Shkodrës.

Një aksident u regjistruar të hënënë në rrugën “Qemal Draçini” në lagjen “Rus” .

Një automjet tip Golf 4 me drejtues nje 19 vjeçar nga fshati Sheldi përplasi një kalimtarë 60 vjeç nga fshati Dobër i Malësisë së Madhe pranë vijave të bardha .

Megjithëse goditja ishte e fortë, i aksidentuari shpëtoi me  lëndime të lehta.