Makina rrezikoi të bjerë në humnerë – Shpëtohen mrekullisht turistët gjermanë në Koman
Dy turistë gjermanë rrezikuan seriozisht mbrëmjen e së dielës, teksa mjeti i tyre doli nga rruga, duke shpëtuar mrekullisht pa përfunduar në humnerë.
Kanë qenë banorët e zonës ata të cilët ju erdhën në ndihmë turistëve të frikësuar, duke tërhequr makinën.
Në vendngjarje ka shkuar edhe policia vendore për hetimet.
Kryetari i fshatit Koman, Frederik Gjoni, tha se ka shumë ankesa për këtë aks rrugor me gropa, pa mbrojtëse dhe pa sinjalistikë.
Ngjarja ndodhi në afërsi të fshatit Koman në vendin e njohur si Ura e Komanit.
Turistët thanë se kishin humbur kontrollin e mjetit si pasojë e manovrave, për t’ju shmangur gropave, që karakterizojnë këtë segment rrugor, një ndër artieriet e rëndësishme turistike të veriut të vendit, që vijon të mbetet në mëshirë të fatit.
