Qeveria e Malit të Zi ka vendosur ndalimin e transmetimit të 20 kanaleve televizive ruse, duke e justifikuar këtë veprim si pjesë të “masave kufizuese ndërkombëtare” kundër Rusisë, të kërkuara nga Këshilli Evropian për luftën në Ukrainë.
Zëdhënësja e Ministrisë së Jashtme të Rusisë, Maria Zakharova, e përshkroi vendimin si censurë dhe shkelje e lirisë së mediave.
Kanalet e prekura përfshijnë Channel One, Rossiya 1, RT, Sputnik, NTV dhe REN TV dhe vendimi ka hyrë në fuqi menjëherë.
Agjencia e vendit për Median Elektronike udhëzoi agjencitë përkatëse dhe kompanitë e telekomunikacionit të bllokojnë transmetimet ose do të përballen me një gjobë prej 1000 deri në 40 000 euro.
“Ne e konsiderojmë këtë akt nga qeveria malazeze si një akt armiqësor censure, si shkelje e rëndë e lirive të medias dhe, nga ana tjetër, si një formë për të marrë favorin e të qenit pjesë e BE-së”, thuhet në një deklaratë të Zakharova.
Pas pushtimit rus të Ukrainës në vitin 2022, Mali i Zi iu bashkua vendeve të tjera në vendosjen e sanksioneve ndaj Rusisë dhe dëboi një numër diplomatësh të saj.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.