Mamografia lëvizëse në Vau Dejës/Imshtaj: Po kryhen 17 depistime në ditë

Gratë artizane në Bashkinë Vau Dejës duke parë nevojën e madhe për depistime kërkuan që mamografia lëvizëse të jetë e pranishme për dy javë në këtë Bashki.Për këtë artizanet i janë mirnjohëse zonjës së parë të shtetit. Interesi i grave ka qenë i lartë. Mamografia lëvizëse në një ditë ka kapacitet të kryejë 15 depistime, por gjatë këtyre ditëve janë aplikuar deri në 17 raste, kryesisht të rekomanduara më herët nga mjeku i qendrës shëndetësore. Mamografia lëvizëse ndodhet në Vau Dejës prej 10 ditësh. Do të vijojë të jetë në Koman dhe Naraç deri të premten. Që nga muaji tetor i vitit të shkuar, kjo është hera e tretë që mamografia lëvizëse qëndron në Vau Dejës.