Manastirliu me ambasadorin spanjoll: Bashkëpunim për hapjen e degës së UNED në Gjirokastër
manastirliu4
Ministrja e Arsimit dhe Sportit, Ogerta Manastirliu zhvilloi një takim me Ambasadorin e Spanjës në Tiranë, Alvaro Renedo Zalba, me të cilin bisedoi për të nisur bashkëpunimin për hapjen e degës së UNED, Universiteti Publik Spanjoll i Edukimit në Distancë, në Gjirokastër.
Manastirliu theksoi se “së bashku me partnerët dhe strukturat vendore po vlerësojmë këtë mundësi, që do shërbejë për diversifikimin e ofertës akademike në fushën e arsimit të lartë për studentët vendas dhe të huaj”.
“Zgjerimi i ofertës akademike, shkëmbimet në fushën e arsimit të lartë si pjesë e Programit për Ndërkombëtarizimin e Universiteteve, janë në fokus të punës tonë, përmes vlerësimit të mundësive të reja të bashkëpunimit me universitetet prestigjioze evropiane”, tha Manastirliu.
