Stadiumi Maradona, biletat e të cilit janë shitur të gjitha për herë të parë këtë sezon, përgatitet për një natë magjike të Ligës së kampioneve. Vjen Reali i Madridit dhe Napoli do të veshë fanellën me të cilën fitoi titullin kampion të Serisë A.
Kundërshtari është më i pakëndshmi por edhe më magjepsësi i mundshëm. Pas një nisje aspak të mirë të kampionatit, Napoli po e merr veten. “Të gjithë po kthehen në nivelin e tyre më të mirë. Jemi në rrugën e duhur” – garanton Rudi Garcia i cili ka parë t’i rikthehen formës së tyre më të mirë individët e çmuar të skuadrës napolitane.
Ndaj Realit, Garsia do të vazhdojë të mbështetet te Ostigard dhe Natan, për shkak të dëmtimeve të Juan Jesus dhe Rrahmanit. Në vazhdim të zgjedhjeve të detyruara, trajneri francez, konfirmon në mesfushë Lobotka, Anguissa dhe Zielinski.
Nga minuta e parë rinis Politano që do të luajë në të djathtë duke plotësuar treshen me Osimhen dhe Kvaratskhelia. Por ironia e fatit këtë radhë është për Carlo Ancelottin, i cili me Realin do të qëndrojë në atë hotel ku natën e 10 dhjetorit 2019, presidenti De Laurentiis i komunikoi atij shkarkimin, pavarësisht se atë mbrëmje Napoli, duke mposhtur Genkun 4-0, kishte garantuar kalimin në 1/8 e Ligës së kampioneve.
Kështu rrjedhin faktet në botën e futbollit, i cili shpesh është kontradiktor me veprimet e tij. Ndeshjen e madhe të grupit C, Napoli – Real Madridit, do ta gjykojë arbitri francez Clément Tërpin.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.