Maratona e Berlinit, Asefa rekord për femra, Kipçoge e fiton për herë të pestë

Paraditen e sotme në Berlin atletja nga Etiopia Tigst Asefa ka vendosur rekord të ri botëror në disiplinën e maratonës ndërsa Eliud Kipçoge ka fituar për herë të pestë garën prestigjoze e cila është në edicionin e 49-të.

Asefa, e cila përfundoi e para për femra këtë garë një vit më parë, arriti që të përshkruante 42,195 kilometrat për 2 orë, 11 minuta dhe 53 sekonda duke thyer kështu rekordin e vendosur nga Brigid Kotsgei në Maratonën e Çikagos në 2019 me kohën 2:14:04.

Në kategorinë e meshkujve edhe në këtë sezon i pari ishte Eliud Kipçoge. Fenomeni nga Kenia, i cili në garën e sotme u la i vetëm që nga kilometri i 32-të, përfundoi garën për 2 orë, 2 minuta e 42 sekonda pra gati 1 minutë e gjysëm më “ngadalë” krahasuar me kohën e vendosur nga vetë ai po në Berlin. Për kenianin është fitorja e pestë në Berlin.

Atletet elitare

1. Tigst Assefa (ETH) — 2:11:53 (RB)
2. Sheila Chepkirui (KEN) – 2:17:49
3. Magdalena Shauri (TAN) – 2:18:41
4. Zeineba Yimer (ETH) – 2:19:07
5. Senbere Teferi (ETH) – 2:19:21
6. Dera Dida (ETH) – 2:19:24
7. Workenesh Edesa (ETH) – 2:19:40
8. Helen Bekele (ETH) – 2:19:44
9. Charlotte Purdue (GBR) – 2:22:17
10. Fikrte Wereta (ETH) – 2:23:01

Atletët elitarë

1. Eliud Kipchoge (KEN) – 2:02:42
2. Vincent Kipkemoi (KEN) – 2:03:13
3. Tadese Takele (ETH) – 2:03:24
4. Ronald Korir (KEN) – 2:04:22
5. Haftu Teklu (ETH) – 2:04:42
6. Andualem Belay Shiferaw (ETH) – 2:04:44
7. Amos Kipruto (KEN) – 2:04:49
8. Philemon Kiplimo (KEN) – 2:04:56
9. Amanal Petros (GER) – 2:04:58
10. Bonface Kimutai Kiplimo (KEN) – 2:05:05
11. Jared Ward (USA) – 2:11:44

Scott Fauble (USA) (pa kohë)