Këshilli Kombëtar i Trashëgimisë Kulturore miratoi projektin kërkimor–shkencor, i cili ka qëllim vijimin e kërkimeve arkeologjike në Luginën e Poshtme të Drinit, Komanit dhe Sardës.
Lajmi është njoftuar përmes një postimi në rrjetet sociale nga ministrja e Kulturës Elva Margariti. “Çdo ditë e më tepër del në dritë pasuria arkeologjike e Luginës së poshtme të Drinit, Komanit dhe Sardës. Në mbledhjen e saj më të fundit Këshilli Kombëtar i Trashëgimisë Kulturore miratoi projektin kërkimor–shkencor për këtë hapësirë”, bën të ditur Margariti.
“Projekti synon vazhdimin e gërmimeve në nekropolin qendror të Komanit, një prej varrezave më të mëdha mesjetare në vend, që përbën burimin kryesor të të dhënave rreth popullsisë përgjatë njëmijëvjeçari (shek. V deri në shek. XIV). Përmes këtij projekti pritet të mësojmë më shumë për organizimin topografik të varrezës, riteve funerale, paleodemografisë (ushqimit, sëmundjeve, gjenetikës, mobilitetit), kodeve sociale dhe prodhimeve e shkëmbimeve ndërajonale të popullsisë”, vijon njoftimin e saj Margariti.
Ministrja e Kulturës thekson se, “qëllimi final është të njihet në mënyrë të plotë organizimi i vendbanimit, nëpërmjet eksplorimit pa gërmime, i një lagjeje të patrajtuar deri më tani”.
“Në zonën e Sardës do të vijohen punimet në pjesën e sipërme të qytetit, duke përfshirë kishën, ku kanë filluar gërmimet një vit më parë. Pjesë e hulumtimeve për të dytin vit radhazi, është edhe gjurmimi i pjesën së poshtme të qytetit, i cili gjendet nën ujë. Projekti do të zhvillohet nga Instituti i Arkeologjisë, nën drejtimin e arkeologeve Etleva Nallbani dhe Elvana Metalla”, përfundon reagimin e saj ministrja e Kulturës, Elva Maragariti.
1 nga 5
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.