Kryeministri Edi Rama ka folur sërish për marrëveshjen e refugjatëve me Italinë.
Në emisionin “Dritto e direto” në televizionin “rete 4”, kryeministri Rama përsëriti se integrimi i Shqipërisë në BE nuk ka lidhje me marrëveshjen e nënshkruar mes kryeministrave të dy vendeve.
“Ata që thonë këtë nuk dinë as se si trokitet në Evropë, jo më si hyhet. Të hysh në Evropë është ndryshe nga kjo imagjinatë. Duhen bërë reforma, duhen bërë detyrat e shtëpisë që kërkojnë shumë përkushtim dhe më pas ka një komision evropian që bën vlerësimin. Ne e dimë se jemi tepër të vegjël, por megjithatë duhet të japim një dorë, për të nderuar veten dhe miqësinë që na lidh me Italinë,” tha kryeministri Rama.
Shefi i qeverisë shqiptare deklaroi se pavarësisht kundërshtimeve nga opozita në të dyja vendet, ai beson se marrëveshja e refugjatëve është e drejtë.
“Nëse në Itali ishte e majta që ishte disi jashtë linje, por që mendoj se është një problem i zgjidhur, atëherë them se ndoshta kjo nuk i shkon së majtës. Por nuk është as për të djathtën, sepse në Shqipëri është e djathta që thotë të njëjtat gjëra. Nuk i shkon së majtës, nuk i shkon së djathtës, por ndoshta është thjesht e drejtë,” u shpreh z. Rama.
Kryeministri i Shqipërisë në intervistën në “rete 4” tha se në qendrën që do të ngrihet nuk do të strehohen vetëm meshkuj, siç është raportuar gjerësisht, por përjashtim do të bëjnë vetëm fëmijët dhe gratë shtatzëna.
Malësia e Madhe është zona me shtrirjen më të madhe të sipërfaqes të kultivuar me…
20 shtatori shënon ditën ndërkombëtare të pastrimit. Ndërmarrja e shërbimeve publike në Shkodër bën me…
Ambasadorja e Austrisë në vendin tonë, Monica Zach, ka zhvilluar një vizitë në universitetin e…
Java Evropiane e Mobilitetit në Shkodër është shënuar me një sërë aktivitetesh të dedikuara promovimit…
Këshilli i Qarkut Shkodër zhvilloi mbledhjen e radhës ku me shumicë votash miratoi rendin e…
Vllaznia po kalon një formë shumë të mirë sportive duke kryesuar me meritë kampionatin e…
This website uses cookies.