Në një reagim pas njoftimit se udhëheqësit e Italisë dhe Shqipërisë kishin arritur një marrëveshje për ndërtimin në Shqipëri të dy qendrave për strehimin e migrantëve të shpëtuar në det nga anijet italiane, Elisa De Pieri, me organizatën Amnesty International, tha se personat e shpëtuar në det nga autoritetet italiane janë nën juridiksionin italian.
Ajo tha se ligji është shumë i thjeshtë për t’u kuptuar dhe se migratët nuk mund të dërgohen në një vend tjetër përpara se të shqyrtohen kërkesat e tyre për azil.
Organizata ndërkombëtare për të drejtat e njeriut Amnesty International thotë: “Individët e shpëtuar nga autoritetet italiane në det, përfshirë ata që kërkojnë siguri në Evropë, janë nën juridiksionin italian dhe nuk mund të dërgohen në një vend tjetër përpara se të shqyrtohen kërkesat e tyre për azil dhe rrethanat individuale”.
Marrëveshja për refugjatët ka të bëjë me rikthimin, një praktikë e cila është e ndaluar sipas ligjit ndërkombëtar dhe evropian dhe për të cilën Italia është dënuar tashmë nga Gjykata Evropiane e të Drejtave të Njeriut. Marrëveshja është e paligjshme, e papërshtatshme dhe duhet të anulohet, tha zonja De Pieri.
“Italia pretendon se personat e ndaluar do të mbeten nën juridiksionin italian, por realiteti është se marrëveshja do të përdoret për të anashkaluar ligjet e Italisë, BE-së dhe ligjin ndërkombëtar. Kjo mund të ketë pasoja shkatërruese për azilkërkuesit, të cilët mund t’u nënshtrohen ndalimeve të gjata dhe shkeljeve të tjera, jashtë kontrollit të autoriteteve të drejtësisë italiane.”
Komisioni Evropian tashmë e ka bërë të qartë se ligji i BE-së për azilin nuk mund të zbatohet jashtë kufijve të bllokut.
Në kuadër të javës së “Grassroots”, që po festohet në të gjithë Europën, Federata e…
“Vendim politik i urdhëruar nga zyra e Edi Ramës” e ka konsiderua kreu i grupit…
Kryetari i Bashkisë Shkodër, Benet Beci, ka zhvilluar një takim me drejtues dhe efektiv të…
Nga data 15 Qershor deri në gjysmën e shtatorit, pranë qendrës shëndetësore verore në Velipojë…
Me zërin e saj ka drithëruar një komb të tërë. Shkodra ka qenë përherë një…
Në njësinë administrate Gur i Zi pritet të nisin shumë shpejt disa investime të rëndësishme…
This website uses cookies.