Martin bie, thyen dorën dhe këmbën: Do të kthehem më i fortë
Sezoni 2025 i Jorge Martin dhe Aprilia fillon me një dëmtim të rëndë. Gjatë ditës së parë të testeve zyrtare të MotoGP në Sepang, kampioni në fuqi i botës pësoi një rënie në kthesën 2, e cila i shkaktoi dëmtime këmbës së majtë dhe dorës së djathtë.
Spanjolli u dërgua në qendrën mjekësore për kontrollet e para dhe më pas në spitalin aty pranë Nilai (6 km nga Sepang) për kontrolle të mëtejshme.
Martin do të qëndrojë nën vëzhgim gjatë natës dhe do të kthehet në Evropë të enjten për t’iu nënshtruar një operacioni.
“Nuk është fillimi më i mirë i sezonit 2025! Por ‘Martinator’ do të kthehet më i fortë”. Kështu komenton në Instagram piloti i Aprila-s, Jorge Martin për përplasjen në ditën e parë të testimit të MotoGP në Sepang me Aprilia-n e tij të ri.
