Mbahet Komuniteti Politik Europian, gazetarja e RTSH jep detaje nga Budapesti

Kryeministri Edi Rama është sot i pranishëm në Budapest, për të marrë pjesë në Samitin e pestë të Komunitetit Politik Evropian dhe Këshillit Informal Evropian.

Në takim, që po mbahet në Hungari pas zgjedhjeve presidenciale në Shtetet e Bashkuara të Amerikës, janë të pranishëm liderë të 47 vendetë  kontinentit Europian.

Gazetarja e RTSH-së, Denada Shkodrani, në një lidhje të drejtpërdrejtë nga stadiumi “Puskas Arena” ku po zhvillohet Samiti, dha detaje mbi rëndësinë e organizimit të këtij aktiviteti dhe vendet pjesëmarrëse.

“Mbetet me mjaft interes ky takim i cili mbahet një ditë pas zgjedhjeve në SHBA. Gjatë zhvillimit të këtij takimi janë të pranishëm liderët e 47 vendeve të BE, liderët e Ballkanit Perëndimore. Po ashtu pjesëmarrëse janë dhe përfaqësues nga vendet si Moldavia apo Ukraina”, tha gezetarja.

Shkodrani tregon për RTSH-në, se gjatë ditës së sotme liderët janë duke biseduar për çështje të tilla që kanë të bëjnë me sigurinë, dhe për faktin se si pritet të pozicionohen SHBA-të, përsa i takon angazhimit të tyre në NATO.

Ndërsa ditën e nesërme tha ajo, do të mbahet Këshilli Informal Evropian, ku pritet të flitet për rrugëtimin e Gjeorgjisë drejtë anëtarësimin në BE”.

Më tej ajo shtoi se, gjatë punimeve pritet të diskutohen çështje të tjera si; bashkëpunimin rajonal, çështjet e sigurisë, çështjet energjetikes, migracioni, problemet e klimës, energjia por natyrisht dhe për të gjetur zgjidhje për afrimin e vendeve të reja drejtë BE.

Në përfundim, gazetarja raporton për RTSH-në, se në orën 17: 30 kryeministri Edi Rama do të ketë një konferencë të përbashkët shtypi me kryeministrin e Hungarisë, Viktor Orban.

Kujtojmë që Hungaria është shteti që kryeson presidencën e radhës të Bashkimin Europian.