Mbappe drejt Madridit, PSG mendon për yllin e Milanit
Pas shtatë vitesh Kilian Mbappé po përgatitet të largohet nga Parisi për t’u transferuar në Madrid: këtë herë nuk ka kthesë përfundimtare, “vendimi është marrë”, sulmuesi francez ka vendosur të veshë më në fund fanellën e Realit në qershor kur të mbyllet marrëveshja kontraktuale me PSG.
Mediat spanjolle dhe ato franceze e quajnë fakt transferimin e sulmuesit francez në Madrid në verë, por ndërkohë PSG po mendon që të zëvendësojë menjëherë Mbappé me një tjetër yll të futbollit botëror.
Nga Franca ritheksojnë se një nga profilet më të vlerësuara nga Al-Khelaifi është ai i Rafael Leaos, i lidhur me Milanin deri në vitin 2028, por me një klauzolë largimi prej 175 milionë eurosh. Një shifër e lartë, por jo e papërballueshme për parisienët, që synojnë të harrojnë largimin e Mbappe.
