Sekretari i Jashtëm i Britanisë, David Kamerun (Cameron) ka zhvilluar bisedime me kandidatin republikan presidencial Donald Tramp (Trump) në lidhje me mbështetjen e SHBA-ve ndaj Ukrainës dhe avancimin e një pakete të re që mbahet në Kongres.
“Përpara vizitës së tij në Uashington, sekretari i jashtëm do të takohet me ish-presidentin Trump sot në Florida. Është praktikë standarde që ministrat të takohen me kandidatët e opozitës si pjesë e angazhimit të tyre rutinë ndërkombëtar”, bëri me dije një zëdhënës i Zyrës së Jashtme.
Diskutimi i Cameron me kandidatin republikan presidencial, që besohet të jetë takimi i parë i tillë nga një ministër i lartë i Mbretërisë së Bashkuar me Tramp që kur ai la detyrën, mbuloi Ukrainën, luftën në Gaza dhe të ardhmen e NATO-s.
Tramp ka shprehur vazhdimisht dyshime për ndihmën për Ukrainën dhe ka vënë në pikëpyetje angazhimin e Amerikës ndaj NATO-s, aleancës ndërkombëtare të cilën SHBA-ja është zotuar ta mbrojë kur është e nevojshme.
Në vizitën e tij në Uashington, Kamerun do të paralajmërojë se suksesi i Kievit në mposhtjen e Rusisë është “jetik për sigurinë amerikane dhe evropiane” pasi ai u kërkon ligjvënësve të miratojnë ndihmën e mëtejshme “urgjente” për vendin.
Ai do të zhvillojë bisedime me homologun e tij amerikan, Entoni (Antony) Blinken, këshilltarin e sigurisë kombëtare, Xheik (Jake) Sullivan dhe udhëheqësin republikan të Senatit, Mitç Mek Konell (Mitch McConnell) dhe shpreson të takohet me kryetarin e Dhomës, Majk Xhonson (Mike) Johnson, kolegët e të cilit po pengojnë votimin për një shtesë prej 60 miliardë dollarë (47 miliardë £) ndihmë për Ukrainën. Në vizitën e Kamerun, nuk planifikuar asnjë takim me presidentin amerikan Xho Bajden (Joe Biden).
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.