Mbeturinat shqetësuese në periferi – Banorët nuk respektojnë vendet e caktuara për depozitimin e tyre
Kjo ishte pamja pranë kodrave të Tepes në Shkodër.
Grumbujt e mbeturinave kishin mbuluar krejtësisht këtë zonë duke ndotur edhe ambjentin përreth.
Ndonse është e vendosur tabela informuese për mos depozitimin e mbeturinave në tokë, sërish banorët nuk respetojnë rregullat e caktuara nga Bashkia Shkodër.
Shqetësues është fakti që pranë këtyre mbeturinave vërehet që ushqeheshin edhe bagetitë, ku prodhimi i tyre mund të bëhet i dëmshëm për konsumatorin.
Aksionet e Ndërmarrjes së Shërbimeve Publike për pastrimin e hot- spot-eve nuk kanë munguar, por sërish kjo situatë vijon të jetë problematike, kryesisht në zonat periferike të qytetit.
