Mbledhja e Përgjithshme e Gjyqtarëve, zgjidhen sot 3 anëtarët e rinj të KLGJ

Ka nisur mbledhja e Përgjithshme e Gjyqtarëve të Shqipërisë për zgjedhjen e tre anëtarëve të rinj në Këshillin e Lartë Gjyqësor.

Përfaqësuesit e rinj që do të zgjidhen, do të zëvendësojnë tre nga anëtarët që u përfundon mandate, Brikena Ukperaj nga Gjykata e Apelit dhe Dritan Hallunaj e Marçela Shehu nga Shkalla e Parë.

Zv.kryetari i Gjykatës së Lartë, Sokol Sadushi ka kërkuar të reagohet në mënyrë koherente ndaj sulmeve që u bëhen gjyqtarëve për shkak të funksionit të tyre.

“40 Magjistratët e diplomuar këtë vit janë ende pa emëruar ndërkohë që sistemi ka nevojë urgjente për to. Kancelarët e gjykatave janë pakonfirmuar për shkak të mosmbylljes së procedurës për vlerësimin pranë Magjistraturës”, tha Sadushi.

KLGJ-ja njoftoi më 5 shtator mbylljen e aplikimeve për vendet vakante, dokumentacionin e së cilin e kanë dorëzuar:

Znj. Emona Muçi – Gjykata e Apelit të Juridiksionit të Përgjithshëm Tiranë;

Znj. Irida Kacerja – Gjykata e Apelit të Juridiksionit të Përgjithshëm Tiranë;

Znj. Alma Kodraliu – Gjykata e Shkallës së Parë të Juridiksionit të Përgjithshëm Tiranë;

Znj. Gentjana Muçaj – Gjykata Administrative e Shkallës së Parë Tiranë;

Z.Markelian Koça – Gjykata e Shkallës së Parë të Juridiksionit të Përgjithshëm Durrës.