Mbyllet nga frika e shembjes kulla mesjetare e Bolonjës

Një kullë mesjetare në Bolonja, e cila anon po aq sa kulla e famshme e Pizës, është mbyllur nga frika se mund të shembet.

Autoritetet kanë filluar të ndërtojnë një pengesë 5 m të lartë rreth “Kullës Garisenda” të shekullit të 12-të për të mbajtur rrënojat në rast se ajo bie.

Kulla 47 metra e gjatë anohet në një kënd katër shkallësh dhe monitorimi ka gjetur zhvendosje në drejtimin e animit. Këshilli i qytetit tha se situata ishte “shumë kritike”.

Struktura u ndërtua midis 1109 dhe 1119, megjithëse lartësia e Garisenda u zvogëlua në shekullin e 14-të, sepse tashmë kishte filluar të anohej. Kulla përmendet në poemën e Dantes “Komedia Hyjnore”, e cila u përfundua në 1321./BBC/