Mbyllet rrugëtimi i Kombëtares, shkodranët vlerësojnë aventurën e kuqezinjve në “Gjermani 2024”

Me humbjen ndaj Spanjës, kombëtarja kuqezi ka mbyllur aventurën e saj në Kampionatin Europian “Gjermani 2024” .

Atmosfera gjatë këtyre ndeshjeve ka qënë e zjarrtë, jo vetëm në Gjermani,  por edhe në qytete të ndryshme të vendit tonë.

Qytetarë të shumtë ishin mbledhur në sheshin qendror të qytetit të Shkodrës për të parë ndeshjen Spanjë-Shqipëri.

Të veshur kuqezi,  tifozët kanë krijuar një atmosferë fantastike në mbështetje të kombëtares.

Ndërsa, në lidhje me përformancen e skuadrës sonë gjatë këtij rrugëtimi, qytetarët vlerësojnë me nota pozitive futbollistët.

Ndeshja me Spanjën ishte një nga sfidat më të rëndësishme për Shqipërinë pasi i duhet një fitore për të kaluar në fazën me eliminim direkt të Europianit.

Megjithë rastet e krijuara,  kuqezinjtë nuk arritën  të dalin me pikë nga kjo përballje.