Mbyllet turneu i Boksit Fists of Fire/Flasin protagonistët e aktivitetit, Ndou, Hasani, Hysa dhe Kajoshi
Është mbyllur me shumë sukses Turneu Ndërkombëtar i Boksit “ First Of Fire” organizuar mbrëmjen e së shtunës nhë pallatin e sportit “Qazim Dervishi”. Një mbrëmje festive kjo e realizuar nga organizatorët, ish kampionët e boksit që jetojnë në Gjermani, vëllezërit Mondi dhe Gjovalin Ndou dhe Melser Abdyli në bashkëpunim edhe me Bashkinë Shkodër.Krahas tifozëve të shumtë nga Shkodra dhe rrethet e tjerë të Shqipërisë, aktivitetin e nderuan edhe Kryetari i Bashkisë Shkodër, Benet Beci si dhe Presidenti i Komitetit Olimpik Kombëtar Shqiptar, Fidel Ylli, të cilët shpërndanë titujt për boksierët fitues.
